حد يقدر يجاوب الاسئلة دى::_____>>>>
الكهربا لما تقطع بتروووح فين؟
لو فيه شجرة وقعت على الارض فى الغابة ياترى بقيت الشجر هتضحك عليها؟
ليه حاطين فى شارع مراد يافطة كبيرة مكتوب عليها (ابتسم انت فى الجيزة) هل الجيزة بتضحك؟
لما بتطلب ساندويتش فى اى مطعم وتحب تضيفله اى اضافة بيزودوا فى سعره ،طب ليه لما تحب تشيل منه اى حاجة سعره مابيقلش ليه؟
ليه بيقولوا (الحب اعمى ) وكل اغانى الحب عن العيون؟
طب لو الحب اعمى ليه واكلين دماغنا بالحب من اول نظرة؟
لو اسمك ماجد وطلعت طيار ،هتفضل مستحمل قد ايه والناس بتقولك يا (كابتن ماجد)؟
الاخرس بيكلم نفسه ازاى؟
ليه بيقولوا عن اللى نايم انه نايم زى البيبيهات مع ان البيبيهات بتصحى كل نص ساعة؟
ليه البنات بتفتح بقها وهى بتحط ماسكرا؟
ليه ماتيجى تتصل بواحد...الارقام اللى بترد غلط مابتكونش مشغولة؟
اذا كان زى مابيقولو (الدنيا مسرح كبير)طب انا بمثل ولا بتفرج؟
هل الحيوانات بتعطس؟
طب ياترى العصافير بتتخلص من المية اللى بتشربها ازاى _انا عمرى ماشوفت عصفورة بتعمل بى بى ؟
طيب هل حصل فعلا وفيه واحد (ضرب عصفورين بحجر)؟
لو ركب (مفاصل )الانسان ورا مش قدام كانت الكراسى شكلها هيبقى ايه؟
التوام الملتصق لما يدخلوا السينما بيقطعوا تذكرة واحدة ولا اتنين؟
ليه الكبار بيطلعلهم شعر فى ودانهم؟
لما البوليس بيهجم على شقة ويكسر الباب مين المسئول عن تمن تصليح الباب ده؟
ليه بنقول باى باى ومبنقولش هاى هاى ؟
ليه بيقولوا هدية مجانية ،هو فيه هدية بفلوس؟
طب ارض انك شوفت منظر مؤثر وانت تحت المية ينفع تعيط؟
الاعمى بيشوف ايه فى الاحلام؟
ليه شعر الادين مابيقعش؟
هل ممكن تعمل جبنة من لبن الامهات؟
وفيه اسئلة تانية كتيييييييييييير نبقى نتفاهم فيها بعدين................
الأربعاء يوليو 08, 2009 2:52 pm
